موسوعة النكت البايخة واللي تفقع

إزيكم يا جماعه


كل واحد يكتب نكتة مابتضحكش

تخنق

تفقع المرارة

وممنوع كتابة النكت الكوميدية اللى بتضحك

فلنبدا !!

عايز اللي يطلع من الموضوع يكون مفقوع على الأخر

واحد بيحب يجرى ويجرى مابيحبهوش

واحدة وقفت تاكسي تقوله اروح المعادي
قالها روحي بس متتأخريش

مرة حيوان خرافى بشنب .. قابل حيوان خرافى من غير شنب .. قاله تلاعبنى رز وبسلة ؟؟ ... قاله ليه ؟ شايفنى شماعة ؟؟ .. قام شادد السنجة وناطط م الاتوبيس وهو ماشى !!

مرة واحد حب طحنوه

مرة واحد نط م الخامس مات !! حرم يعيدها

مرة واحد حب يمشي.....يمشي محبوش

مره واحد راح لواحد بقو اتنين

مره واحد ساب عربيته دايره ........... رجع لقها مثلث

انا مره رحت عزيت رجعت عالسمن

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مرة ظابط طلع على المعاش فتح محل حلوانى سماه ( التورتة فى خدمة الشعب )

مرة واحد شرب قهوة الكراسى وقفت فى زوره

مره واحد بص في الساعه لأقها واحده قالها: تجوزيني ؟؟

مره واحد وقف تاكسى قالو نادى الشمس ......... قاله ناديها انت !!

مرة سمكة غبية ماتت غرقانة

كفايا احسن انا اللى اتخنقت !!

واحد ابوة تعبان فوداة المستشفى وابوة بيموت قالو فى عندى وصيتى فى الدولاب فى البيت ووصيتى ليك لو كنت بتحبنى بلاش انت تقرا الورقة تخلى حد يقراهالك قالو متقولشى كدة يا ابويا المهم الاب مات فى 60 داهية فبعد العزا الحوارات دى الواد راح لعمة وقالة يا عمو ممكن تقرالى الورقة دى ومقلوش ان دى الوصية فلما عمة قراها ضرب الواد بالكف وقالو اطلع برة بيتى يا ابن الكلب انت خطر على عيالى اطلع برة وضربة ومشاة فالواد عايز يعرف اية فى الورقة بس بيحب ابوة ابن الكل ب الهم راح تانى يوم لعمة التانى لما ادا الورقة لعمة وقراها قالو ثوانى ودخل المطبخ جاب المأشة ( بتاعة الكنس ) وفك ايداها وضربو بيها لما نفخه المهم الواد جرى منة فالواد احتار مش عارف يعمل اية فراح لعمتو ( اخت ابوة ) وقالها يا عمتى دى وصية ابويا وانا عايزك تقريها ليا قالتلو عنية يا حبيبى المهم خدت الورقة منو ولسة بتقرا بصوت عالى فالواد فرح ( وانت كمان ياللى بتقرا النكتة فرحت ) فسكتت مرة عشان متفرحشى تانى المهم مسكت الورقة وراميتها من الشباك وقالتلو ميهمكش ودخلت الحمام وجريت وراة بالنعاشة ( بتاعة العنكبوت ام ايد طويلة دى عرفتوها ) المهم جرى منها وشتمها ودور على الورقة لحد باليل واول ما لقى الورقة كان فى كمين ( شرطة ) نزل الظابط وسالو اية اللى معاك دة مسك الورقة وبرقلو كدة وقالو يا ابن الكلب دة انت خطر على مصر دة كلب ابن ستين ...
المهم حولة للوزرارة الاوزارة حولتو على الرئاسة الرئاسة اصدرت امر بطرد المذكور برة مصر


يااااااااااااااااااااااااااااااااااااااااااااااااااة


وهوة فى الطيارة نادى المضيفة اللى فى الطيارة وقالها لو سمحتى ممكن تقراى ليا الورقة دى


قالتلو تحت امرك ولما شافت الورقة قالتلو يا ابن الكلب يا واطى وراحت جرى على الطيارة عشان تقولة اول ما الاطيار شاف الورقة قالها لازم ارمى ابن الكلب دة من الطيارة المهم رمو امة من الطيارة انا زهقت من الكتابة المهم


وهوة فى الهوا قال انا كدة كدة ميت طلع الورقة عشان يشوف اية اللى فيها طارت منة الورقة ونزل على الارض ميت

واحد راح للفكهاني لقاه مش موجود

سال طيب مفيش فكهانى تانى ؟

قالوله لا !

قالهم ولا فكتامر ؟؟

=========================================================
واحد مسطول دماغه لفت قابلها من الناحية التانية
=================================
واحد بلدياتنا حب يشرب سيجارة حطها ف كباية
==============================
واحد بيسأل صاحبه هو أيه الفرق بين تجارة الحشيش وتجارة عين شمس؟
قام صاحبه قال تجارة عين شمس 4 سنين انما تجارة الحشيش أقلها 25 سنة
======================================
مسطول مزور ورقة بنكنوت انما 10/10 مع ذلك مسكوه ياترى ليه؟
عشان كان مزور ورقة بستين جنيه

========================================

واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي
===============================================
مره واحد ابنه طلع من الاوائل شفروه
==============================
تلميذ لزميله: هيَّ الهند بعيدة؟
الزميل : لا .. لا مأظنش أبداً .. أصل معانا ف الفصل تلميذ هندي بييجي المدرسة كل يوم الصبح مشي!

=====================================
مرة واحد انجليزى و واحد فرنساوى و واحد صينى

راحو يجربو صدى الصوت الانجليزى قال هاللو

فرد عليه صدى الصوت و قال هالوووو

الفرنساوى قال بنجور

رد عليه صدى الصوت و قال بنجوووور

الصينى قال شونجا كونجا هونجاهى

فرد عليه صدى الصوت و قال بتقول ايييييييه؟؟؟؟؟؟؟؟؟؟

==============================
اتنين صحاب أغبية ...

الاول بيسأل التانى : هو ابوك مكبر علينا كده ليه ؟

التانى : ليه بس حصل ايه ؟

الاول : من ساعة ما مات مبقاش يعدى يسلّم زى الاول
=================================
واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ،

والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ،

هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ،

راحت المكنة قالت له الاستاذ شلبى فضل يستهبل لحد ما القطر فاتة

واحد شد حيله اتقطع


مرة واحد اتنين تلاتة

واحد بيقول للتاني : بتحب النكت؟
الثاني : قاله طبعا
الاول : طيب ايه هيا ابوخ نكته
الثاني : مره واحد صحي من النوم وفِطِر

=====================================

كان في مرة واحد اسمه فريكيكو
فريكيكو مبيحبش المكرونة
أمه جابتله مكرونة
وقالتله يا حبيبي كل المكرونة
فريكيكو مرضاش
ٌقامت الأم راحت للعصايا قالتلها روحى اضربى فريكيكو عشان فريكيكو مش عاوز ياكل المكرونة
العصايا مرضتش
راحت للنار قالتلها يانار روحى احرقى العصايا عشان العصايا مرضتش تضرب فريكيكو عشان فريكيكو مرضاش ياكل المكرونة
النار مرضتش
راحت للمية قالتلها يامية روحى اطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
المية مرضتش
راحت للبقرة قالتلها يابقرة روحى اشربى المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
البقرة مرضتش
راحت للجزار قالتله ياجزار روح اذبح البقرة عشان البقرة مرضتش تشرب المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة
الجزار مرضاش
راحت للظابط
قالتله ياظابط روح اقبض على الجزار عشان مرضاش يذبح البقرة عشان البقرة مرضتش تشرب المية عشان المية مرضتش تطفى النار عشان النار مرضتش تحرق العصايا عشان العصايا مرضتش تضرب فريكيو عشان فريكيكو مرضاش ياكل المكرونة

الظابط راح يقبض على الجزار الجزار خاف راح يذبح البقرة البقرة خافت راحت تشرب المية المية خافت راحت تطفى النار النار خافت راحت تحرق العصايا العصايا خافت راحت تضرب فريكيكو فريكيكو خاف راح اكل المكرونة

مره واحد كان باله مشغول
راح حط السماعه

--------------------------------------------------------

مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر
-------------------------
مرة واحد من كتر حبه للموبيلات جاب بنت سماها شريحة
-------------------------
واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى
-------------------------
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة
-------------------------
مره واحد جاب لممته دواء يخليها ترجع 20 سنه وره فتانى يوم راح لها و قال : اه الحلاوه دى و مين العيل الصغير ده قالت: يانهارى أصل أبوك شرب الدواه كله
-------------------------
مرة دبانة سقطت فى كاس خمرة طلعت تقول وسع للنسر
-------------------------
فريق نمل بيلعب ومن ضمنهم صرصار لية...؟ لاعب اجنبى
-------------------------
حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا
-------------------------
واحد ماشى ورا وحدة قالها الحلوة وراها مشوار قالتلة لا وراها حمار
-------------------------
مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح
-------------------------
مرة ترزى ماشى فى حتة مقطوعة خيطها
-------------------------

كلها نكت قديمة ومريضة ومتضحكش

وهو المطلوووووووووووووووووووب !!

بيقولك مره اتنين كانوا متأخرين اووووووووى وكانوا رايحين يركبوا القطر

المهم هما دخلوا المحطه من هنا وراح القطر ماشى من هنا .... اعدوا يجروا وراه وابل ما يمشى من ع الرصيف بحته راح واحد فيهم نط جواه والتانى كان اعد ع الرصيف يضحك اووووووووى

الناس التله بتضحك ع ايه الهم اصل الى نط كان جى يوصلنى

--------------------------------------

واحد مسطول قابل واحد فى الشارع قالة ازيك يامحمد عامل اية دانت اتغيرت وشكلك اتغير قالة انا ماسميش محمد قالة وكمان غيرت اسمك

---------------------------------------------

طب بصوا دي بقي عيل كل يوم يروح السوبر ماركت و يسال البياع عندك حلاوه يقولو اه يقولو طب اديني بجنيه جبنه تاني يوم يجيله يقولو عندك زيتون يقولو اه يقولو طب هات كياو رز تاني يوم جاله قالو عندك زيت يقولو اه سقولو طب هات علبه سمنه الراجل اتنرفز اوي فراح لوالد الطفل و حكاله علي الي ابنه بيعمله فبابا الولد قالو ده واد قليل الادب اوي انا لما يجي هاضربه قاله طب قلقولك عندك عصايه قالو اه قالو طب اديلو بلقلم
------------------------------------------------------

مرة اتنين صعيدة اتخانقوا علي اللي يقف في النصف

بصوا بقى النكتتين دول !!

يستحقوا مشاركة لوحدهم !!

----------------------------------------

مرة صحى الرجل الأزرق فى اليوم الأزرق وقام من على السرير الأزرق ولبس البيجاما

الزرقه والشبشب الازرق ودخل الحمام الازرق واستعمل فرشة الاسنان الزرقه

ثم غسل وشه الازرق من الميه الزرقه اللى نازله من الحنفيه الزرقه

وبعد كده نشف وشه فى الفوطه الزرقه

وبعدين قال يفطر فدخل المطبخ الازرق وقعد على الكرسى الازرق

اللى جنب الترابيزه الزرقه ومد ايد ناصعة الزرقان وجاب السكينه الزرقه

وجاب كمان طبق ازرق ثم جاب البسكويت ابو غلاف ازرق

ومكلش منه حاجه لانه اتاخر على الشغل

فجرى بسرعه فى شقته الزرقه على البلاط الازرق و السجاد الازرق

ابو ورد ازرق من النص على خلفيه زرقه

المهم وصل الغرفه الزرقه ولبس لبس الخروج الازرق

عباره عن بدله وقميص زرق ولبس الشراب الممميز الازرق

والحزام الازرق ثم جرى بسرعه على السجاده الزرقه ( ام ورد ازرق من النص )

فاكرينها؟؟؟؟؟؟؟؟؟

المهم لبس الجزمه الزرقه ونزل على السلالم الزرقه

وركب عربيته الزرقه ام كراسى من جوه ايه بقه ؟

اكيد زرقه

المهم وهو طالع بالعربيه خبط واحد راح موديه المستشفى

الراجل اللى اتخبط كان لونه احمر قعد ينزف دم احمر وكان لابس بدله حمرا


اكمل ولا تعبتوا ؟؟؟؟؟؟؟؟؟؟؟

المهم بعد احداث كتيره اوى وممله

الراجل الازرق سأل الراجل الاحمر وقاله

اشمعنى انت احمر وانا أزرق

راح الراجل الاحمر قاله

اصل انا من نكته تانيه

بس خلاص

مره مدرس سال تلميذ فين جبال الكلامباله قام التلميذ قاله مش عارف فين جبال الكلامباله فا المدرس زعل قوي و ضربه ونزله للاخصائي فا الاخصائي ساله فين يا ابني جبال الكلامباله فا التلميذ قاله مش عارف فين جبال الكلامباله فا الاخصائي زعل قوي و بعد ما ضربه نزله للناظر فا الناظر ساله نفس السؤال و الواد جاوب نفس الاجابه و الناظر زعل قوي و بعد ما ضربه نزله للمدير فا المدير ساله فين يا ابني جبال الكلامباله فا التلميذ قاله والله يا استاذ معرفش فا المدير بكل برود اداله رفد من المدرسه فا تاني يوم جه ابوه و عاد قصه الولد علشان ابوه مش عارف فين جبال الكلامباله المهم راح ابوه لما زهق المحافظه بتاعه التربيه و التعليم و اخد السلم من اول الفراش لحد محافظ التربيه و التعليم و لما المحافظ قاله ان ابنه مش ها يخش المدرسه تاني غير لما يعرف فين جبال الكلامباله قام ابو الواد راح مكتبه ماما سوزان علشان يعرف هي فين الجبال دي و بعد يومين من اللف في الكتب و كل اليي داخل و اليي خارج نحكيله الحكايه من اولها طبعا في الاخر خالص عرف هي فين الجبال دي و قام يجري للمدرسه علشان يرجع ابنه تاني المهم و هو بيجري جه اتوبيس سياحي فاخر و فرشه علي الارض نستفيد ايه بقا من القصه دي ؟؟؟



































































انك تبص يمينك و شمالك قبل ما تعدي السكه

مرة اتنين مساطيل كانوا مروحين وبيتهم في الدور العشرين....

المهم جايين يطلعوا لقوا الأسانسير بايظ .....

فضلوا يطلعوا يطلعوا يطلعوا ......

لحد مانفسهم اتقطع.....

ام واحد منهم قال للتاني...

هقولك على خبرين واحد وحش وواحد حلو......

الخبر الحلو:احنا في الدور ال 19

والخبر الوحش:

ان دي مش عمارتنا

أنا إتشليت هروح أنتحر وارجع أكمل